تبلیغات
بهترین نصاویر خلخال _هشتجین _منامین _ از ابشارهاوطبیت های روستای منامن - شعری قشنگ وزیبا سروده ای از اسماعیل حکمتی منامن دروصف کوه های منامن (9)
منامنین گوزل طبیت عکس لری

شعری قشنگ وزیبا سروده ای از اسماعیل حکمتی منامن دروصف کوه های منامن (9)

چهارشنبه 18 خرداد 1390 05:32 ب.ظ

نویسنده : مرتضی غلامی منامن
شعری قشنگ وزیبا سروده ای از اسماعیل حکمتی منامن دروصف کوه های منامن (9)
بیرباخش كند حال وهواسنا...
پنجره دن باخان زمان ،گوزوم ساتاشدی داغلارا
قول بوداغلی آغاجلارا، سبزه لی بارلی باغلارا
اَسنَه مه دوشدو كونلومه،قول قانادم اوزاندی بیر
سوموكلر اوینادی دوشوب ،شاراخ شوروخ جناغلارا
سحریئلی قوجاق آچوب منی نوازش اِیلِیور
گونون محبتیله جان،گَلور سولان یاهاغلارا
سحر یئلی ،صفالی گون،منی یئریمدن اوینادوب
سو وِِرمه گه حیتده من خرچا خیارلی تاغلارا
سریبدی سفره نی یئره،حیتده مهربان خانم
سوتو قووورماج ائیلیوب یدیرده تا اوشاغلارا
جسمیمه جان باغشلیور نغمه لی قوشلارین سسی
باشیم اوسته قونوبدولار،شاخه لره بوداغلارا
قویون كئچی یولون توتوب ،گئدی بایردا اوتلاسین
قاشماسن اوغلاقلا قوزو،چَپَرقویوم یولاغلارا
گون باتارآخشامن چاغی دامدایاتاراوشاق بویوك
یاستقا باش آتوب باخار گویده یانان چراغلارا
غصّه نی شیرین ائیلیر كَت گئجه سینده قصّه لر
قربا ن اولوم قصّه لره ،قصّه دیین دوداغلارا
من نجه یاددان چخادیم كندیمی ،كند اصالتین
كندی قویوم بوردا گئدیم، شهرلره اوزاغلارا
تقدیم اولسون بویوك وگوركملی انسانلاراكی هئچ وقت اوزاصالتین یاددان چخاتمیوب وچخاتمیاجاق مخصوصابویوك قارداشم آقامرتضی غلامی .



دیدگاه ها : نظرات
آخرین ویرایش: - -